حرت مدري اصدگ هاي من ياهاي
تاه الشور منـي وتيهـت الـراي
|
ــ
|
تاه الراي منـي وصـرت بيـن اجنـاب
|
ماافهـم رطنـهـم والآهــل غـيـاب
|
أصبحت عطشان اركض من اشوف سراب
|
واضل فحطان ألهـث مااضـوگ المـاي
|
ـ
|
اضـوگ المـاي مّنـوه وتايـه آبيـده
|
بسـك يـاوكـت مـوخْـذت التـريـده
|
طبع ذيـاب اعرفـك مـن تگض صيـده
|
ملخـت الگلـب حشيـت الـيـه چلاي
|
ـ
|
اليـه چلاي ذابـت گصصـيـت الآيــد
|
والمگصوص ايـد شلـون گلـي يهيـد
|
يطحـن بالقهـر لــو راد راده يـريـد
|
يضل يلطم لطـم واللطـم عـض شفـاي
|
ـ
|
عـض شفـاي لطمـي والدمـع سچاب
|
آذّكـر زمانـي الچان الّــي خنـيـاب
|
بين اهلي وعمامـي ولمـت الاصحـاب
|
الف وسفه زماني شلون تگصـي ويـاي
|
ـ
|
گصه بيّه الزمان وحيـف عْلـه الشيـن
|
وصار الذيل راس وصعـد فـوگ العيـن
|
غمـك ياوكـت تـردف عليـه بالبيـن
|
وخليـت الـذيـول آچتــف بيمـنـاي
|
ـ
|
تضـل يمنـاي حـره وماتصافـح عـار
|
وتضل نفسي عزيزه وطبعي مـو غـدار
|
مابطـل اطباعـي لـو زمانـي جــار
|
وارش جرحي ملـح لومـا يصـح دوّاي
|
ـ
|
يصـح دوّاي عـد الـي فگد نـامـوس
|
ادفـره ومااريـده لـو اشگه بـمـوس
|
واحبس علتي ودمعي بجفـن محبـوس
|
ولاراسـي اطخـه وطبعـي مـو شچاي
|
ـ
|
مـوشچاي طبعـي وزاهـي بالملبـوس
|
بس وسفه الذيول اتجاوزت على الروس
|
والرمـاي عوبـه وماصبـح جـايـوس
|
خـلـب بالعـتـاد وللهدف خـطــاي
|
ـ
|
خطـاي الهـدف والهـدف عنـي بعيـد
|
صح عيني بصيره بـس گصيـره الايـد
|
وسفه وياحسافـه اعـلا العجيـد وحيـد
|
والــبچاي لاچي وغـالـب الــشچاي
|
ـ
|
الــشچاي صـابــر نـاطـرالگمـره
|
هـم ينطـر فجـر هـذا الوكـت عبـره
|
تفـرج كـل شديـده وتنجلـي الغبـره
|
ويـرد وكتـي اليـه وألـزم الجـنـايّ
|
ـ
|
الجنـايّ الزمـه واكـشـف المسـتـور
|
وافضـح كـل زنـم غـدار چان يجـور
|
واندلـك ولـك بيـه الجـروح تـفـور
|
وجروحـي تعرفـك لاتـطـن خـفـايّ
|
ـ
|
تظن خفايّ عني تـروح ويـن تـروح؟
|
تذكـر مـن تعذبنـي وتزيـد الـنـوح
|
وبّيه اشمتـت شفـت الحمـل مطـروح
|
فرجـت شدتـي وربـك دفـع بـلـواي
|
ـ
|
دفـع بلـواي ربـي مـن دحـر صـدام
|
وجيتـك بالنهـار بثـاري الـك محتـام
|
والعسـره انجلـت وانكشفـت الايــام
|
موگتلـك اكضـك لـو زهـت دنـيـايّ
|
ـ
|
حرت مدري اصدگ هاي من ياهاي
تاه الشور منـي وتيهـت الـراي
|