حسين مو عطشان عطشان الفـرات
راد يشرب من ثغـر حامـي الحمـه
|
الفـرات يغـار حگه ومـن يـغـار
من يشـوف الگاع حضنـت مقدمـه
|
شاف كل الكـون حاضـن للحُسيـن
والمَلـك والجـان هلهـل وحتـمـه
|
لوله اسم حسيـن ماصـار الفـرات
لاسمـاء وارض ضـلـت دايـمـه
|
جزء مـن الكـون موجـود الفـرات
واحنه ندري الكون للخمسـه ارتمـه
|
فضل مـن اِحسيـن بالكـون انولـد
قبـس نـور بنـور ربـك كـرمـه
|
الفـرات جروفـه بشفافـك تـلـوذ
مـن بحـر ثغـرك يريـدك تلهمـه
|
عاش كل عمره بطرگ عازت مطـر
جايـع وعطشـان مايـك يطعـمـه
|
لآن دمـك صعـد لعنـان السـمـاء
ونزل غيمت مـاي شعـت مرحمـه
|
من السمه غيران من يـوم الطفـوف
بـاگت مـن الگاع قطـرات الدمـه
|
يگول كون حسين ضايگ مني مـأي
مني يصعـد سيـل يمطـر للسمـه
|
وشفتوا لمى بزود هلهـل بالجـروف
من گبـل عبـاس راعـي الموزمـه
|
صعد طوفـان وطفـح مابيـن اديـه
توسـل بعبـاس يرشـف مَبْسـمـه
|
شاف بيه الغيـره خجلانـه تضـوگ
ناشـد العبـاس چى ليـش ولمـه؟
|
جاوبـه العبـاس منـك مـاضـوگ
آرتـوي هيهـات وحسيـن بضمـه
|
الفـرس عطشـان مـادنگ غيـور
رفع راسـه وطشـر المـاي ورمـه
|
دفر.يرفس.غنتـب .ويصهـل شيـم
كحيل مـن كحيـل اصيـل وفاهمـه
|
ليش مو بـارد عـذب مايـي زلال؟
الجـرف لجـدام فـرسـك كلـمـه
|
بجاه اخوك حسين اخذ من نصي ماي
سايـم ضلـوع الزچيـه فاطـمـه
|
انه اريـد ويـاك اوصـل للحسيـن
تدري بيّه جـروح واشفـه امْبسمـه
|
رايـد اتوضـه واصلـي بكـربـلاء
باثر جـدم حسيـن تربـه اتيممـه
|
وياك ياابـو الغيـره ولزينـب اروح
حايـره باطفـال فــزت هايـمـه
|
جرفي مثـل الريـح بجدامـك يلـوذ
نصي لطلط روحـي ليـك مسلهمـه
|
الغيره من عندك خذت كل الـدروس
بخـوة العبـاس صـارت عالـمـه
|
قمـر يانبـراس يافخـر الـرجـال
للاجـيـال الحـاضـره والقـادمـه
|
نهر تدريني گصيـف وكلـي مـأي
الوحـوش وجيـش يمـي جاثـمـه
|
الگاع حاطتني بحفـر مابيـه نفـاذ
بالحفـر محبـوس وجروفـي طمـه
|
الگاع لو تحفر حفر اطلـع واسيـح
سيل اجـري واستقـر يـم الحمـه
|
خـادم ومملـوك ولاامـره اطـيـع
لـو حُسيـن يآشـر وليـه ومــه
|
مايآشـر انـه كـل لحظـه اجـيـه
لثغره اشرب وشـم ريحـة مبسمـه
|
دخذنـي ياعبـاس وحضنـي بديـك
بعيـد عـن جيـوش اميـه الاثمـه
|
شـطــوط صـــار بجـربـتـه
دچ مايه دچ لاتبده وسكن شدد محزمه
|
ركض ويّ عباس ويشگ الصفـوف
مسعـد ومرتـاح وبسيفـه احتمـه
|
دز رسايل بالهـوه لچبـد الحُسيـن
طالـب الغفـران كـفـر مآثـمـه
|
بچه.. احمر صـار وي دم الچفـوف
للغـدر ماشـاف كــون يعلـمـه
|
صرخ وي عباس من حشـم حُسيـن
الله اكبـر جرفـي انصـب مأتـمـه
|
حظي عاثر ياقبـح عشـت الهـوان
انـه اخـر شاهـد اعـلآ الملحمـه
|
بس نضـل نعتـب عليكـم يافـرات
ماتفيـض شلـون جرفـك تهـدمـه
|
مدري كون الله شعجـب ماكلـه زال
بيـوم غـاب حسيـن عنـه ويَّتمّـه
|
الكون گال صبـرت ناطـر للظهـور
ناخـذ الثـارت نجلـي المظلـمـه
|
هذا تاريـخ الحُسيـن لكـل زمـان
ويـن تاريـخ الطغـاة المجـرمـه
|
للانـس والجـان مفهـوم بلـغـات
دم ابـو السجـاد ثـوره يترجـمـه
|