انه امدلله وانته التبارينـي اذا ترحل بعد منهو اليداريني
|
تداريني وعشـت لـذة حياتـي ويـاك
|
گضيت ويـاك عمـري آمـدلله بحمـاك
|
ياسلـوة حياتـي وبسمـتـي سـلـواك
|
چنت آنشغ وفـز لّمْـن يمـر طـرواك
|
چنت اغفـه بيمنـك والغطـه يسـراك
|
واذا يسـراك تعبـت تستـلـم يمـنـاك
|
وافز ملهوفـه مشتـاگه لنظـر عينـاك
|
واحس عينك تسولـف وافتهـم معنـاك
|
شلـون ادخـل الـدار وبيـه مـالگاك
|
تضل عيني اعلى دربك تنتظـر مـلگاك
|
انـه بليـاك مااصبـر انــه بلـيـاك
|
وبـس حضنـك يابويـه الـيّ يدفينـي
|
انه امدلله وانته التبارينـي اذا ترحل بعد منهو اليداريني
|
|
ازرعت روحي رمش والجسم صار عيون
|
ليـل ونهـار انشـد عنـك اليمـشـون
|
اشـم اثـار جدمـك والگلـب محـزون
|
واريد اوصل يابويـه لكربـلاء شلـون؟
|
گبل مامـوت اشوفـن رسمـك بعينـي
|
انه مدلله وانتـه التبارينـي اذا ترحل بعد منهو اليباريني
|
|