موال وقصيدة بمناسبة ذكرى شهيد الجمعة أية الله السيد  محمد صادق الصدر قدس الله سره

شاعر أهل البيت ع ياسين حردان الساعدي

الــــمـــــوال

بطلقة غــدر مـن نــذل مـرجعـنه بيّه راح  

سيدنه سـيـد الصدرماشـاف سلـوه و راح  

بالجمعة لابس جفن يعـرف تروح ال راح   

           *  *  *  *  *              

غربل عمايم كَبل أسـود طـلـع    غـــربـلـه  

ولوفتى فـتـوه بشـرك يـفـتون    غـربنا اله  

ولمن دهاه الوكت حن وعطف    غــربـلـه 

وربعه اطلعوله دغش واصفك الراح براح

القصيدة

            *  *  *  *  *  *                              

سـنـيـن مــا شــفـنـه مــراجــع تـنـــزل تـحـاجـي الـجـمـوع

متعـوديــن نــــزور نـصــلـي بـيـوم الجمعه بـكــل أســبـوع

على المنبر يصعد مرجعنه يخطب ياشيعه وياسنه وياشعب عراقي المفجوع

على الخير وعلى التقوى اتحدو وميزو الزين من المصدوع

لاتعيش عـلى الـذل يامسلـم وخـل صـوتك بالحـك مسـمـوع

مــادوم الـدنيه عـلى الظـالـــم ولابــد يـــوم وبـيـه مـخـلـوع

                             *  *  *  *  *  *

كَوه تمشي وخوفتهم شلون لو عندك حمايه ولوحشم

بالجفن خوفت دولــه شـلـون لـوتـلزم حكـم

بالعصى تمشي تبختر أسد والعـدوان صارو جالغنم

ياحلاتك ليث ابيض صدر من نسل الكرام أهل الشيم

بالشمس تخـطب الجمعه تنادي وتـشــد العـزم

رغم مرضك جـبل شامخ تفيـض خيرات ونعــم

قـمـه ياصــدر الـعراق وعالي من كل القـمـم

درس لـلاجـيال تبقى وتبقـى نبراس وعــلــم

رجعـت جمعـة علينه بعــد ماجانـت عـــدم

*  *  *  *

ويا شهيد الـفــرّح الـدنيا بجمعته

ويا شهيد الخــوف السلطة بخطبته

ويا شهيد الحــارت الـناس بتهمته

                                   *  *  *  * 

حاربو نهجك بتهمه و وّاجهـتـهـم  بالحٌكــم

كَلت للحساد بالحق حاججوني وبيّه لاتسيؤا الفهم

مرجع انه بفضل ربي وفضل علمي والقـلــم

لـيش أنتو أتحاربوني وليش بايعتـو الظـلــم

بالبدايه عني كَلتو هذأ أبن عم الشهيد والصدر دربه مشانق واليقلده ينعدم

تالي رديتو بحجيكم وكَلتو عني عون للدوله صبح سيد الصدر وللاوامر يستلم

حرت وياكم شاأسوي وكَلت ياربي أشتكيلك وغدآ عندك نحتكم

يـارعاع ويااراذل الغـدر صــار بطبعكــم

وانتم أشباه الـرجــال وحـيـف تتسمو زلـم

شلون تردون العراق يعيش خاضع ويرتجي حصه غذاء من الامم

شلون تردوني أنتفرج وابقى ساكت على الظلم

أحـنـه ولـدك يـالـعراق نموت مانضحي بقيم

لازم أنـقـيـم الصلاة لازم نـشــد الـعـزم

ودمي أول من يسيل بطلقه من أيـد الـزنـــم

كَوم يــل المسلم وصلي بالصلاة تبري الذمــم

كَوم يـل المسلم وجاهـد والجهاد أشرف قسـم

كَوم يـل المسلم وضحي والشهاده أعظم كـرم