زيارة الحسين ع
|
مـن بعيـد نـزورك ونكسـب اجـر
جيـت ازورك عـن گرب مـو بيـدي
|
بلهفـة الماضـاگ فـرحـه وطـعـم
عيد وانه بـس يمـك احـس بعيـدي
|
ـ
|
ياحُسيـن وانـه مـن انـدب حُسيـن
مثـل ندبـت آبـن حــنْ لـوالـده
|
وفـرق بيـن الينـدب ويّمْـه أبــوه
وبيـن آبـن الوكـت غصبنـاَ شـردّه
|
ياخليلـي ومـاآلـيّ خــلٍ ســواك
ترضـه خـلـك ياخليـلـي تبـعـدّه
|
وانـه اجيتـك انـزف وكلّـي جـروح
وعليّ تدري سيـوف وكتـي مجـردّه
|
ومثل حرف الآلف صـرت بوسـط لام
وجرحي مـن لائـك حُسيـن مضمـده
|
اشكي صفناتي الذبح وسـط الغـروب
الدمعـه بالصفنـات تنـزل شــارده
|
اشكي دمعـه ليـل والحسبـه صهيـل
مهـره ملجومـه بسجـن ومگيــده
|
ياانيـس الـروح يـل بيـك النفـوس
يطيـب الّـه الـنـوح والتغـريـدي
|
مـن بعيـد نـزورك ونكسـب اجـر
جيـت ازورك عـن گرب مـو بيـدي
|
بلهفة الماضاگ فرحـه وطعـم عيـد
وانـه بـس يمـك احـس بعـيـدي
|
ـ
|
بلهفـة العايـش غـرب بيكـم يلـوذ
بغيركـم مـالاذ رغمـا ً عـل العـده
|
الهمـه ماينـزاح يـنـزاح بشـعـاع
الگبـه لـو لالـت وعينـه تشاهـده
|
ومن يطب ارضك حضن گلبـه التـراب
والگلــب گض الـتـراب ينـاشـده
|
ياتـراب الماشفـت مثـلـك تــراب
خـالـدٍ يـتـراب بـالّـي خـلّــده
|
شلون ادوس عليـك يتـراب الطفـوف
وانه گصتـي اعليـك فرضـاً ساجـده
|
مايصـح اصـلاً ركـوع ولاسـجـود
الا فــوگ تــراب دمــك أيــده
|
نفحـة الـدم الـذي ثـار الله بـيـه
شلـون ادوس تـراب ربـك مـجـده
|
وانه ادري بگصتـي ماتمسهـه نـار
باليقيـن وهــل الخـبـر متـاكـده
|
لآن سجدتـت فـوگ تربـة ّ لامسـت
جسـد مّــلاك الجـنـان وقـائـده
|
نزل گلبي وعگر جدمي مـن المسيـر
وجسمي فـوگ تـراب ارضـك مـدده
|
يريد كـل جسمـي ابـد متمّسـه نـار
حتى يـوم الحشـر يعـرض شاهـده
|
خاف جسمـي يـروح للنـار بذنـوب
والذنوب هـواي مـن حظـي الـرده
|
هناك يشهد يعتـرض يـحچي التـراب
هل الجسـم بالجنـه حتمـا ً مـورده
|
زحفت جسم وروح متعنـي الضريـح
وروحـي منـي بعيـد فـرّت شـارده
|
گبلي تركض روحي وتشـم الضريـح
وتـرد ليـه تعيـن جسمـي تساعـده
|
جسمي فوگ الروح يزحف على الجروح
وروحي فوگ جروحي تزحـف عامـده
|
ساعه بيـه تصيـح عجـل بالزحـوف
وساعـه تركـض للضريـح تعايـده
|
صاح جسمي لروحـي رديلـي تعـاي
الجسـم مابيـه روح جثـه هـامـده
|
روحي بخت جسمي من نفحـة هـواك
ياهـواك الجـنـه بـيـه آمــورده
|
وجسمي اصبـح ريـه ويشـم بهـواك
وروحي ريه وصرت كـل ريـه بحـده
|
ومن ترد روحي الّي انهـض واطيـح
مثـل طفـل اصغيـر بالممشـه بـده
|
ماطحت فـد يـوم بـس يمـك اطيـح
جبـل شامـخ رغـم جـور الحاقـده
|
طحت يمك والف هنيالـي مـن اطيـح
طيحـت النجمـات خــرّنْ عـابـده
|
اصحه انهض انچبـح اركـض واگوم
گومـة الملـهـوف عـبـد لسـيـده
|
مدري والله شلون طبيـت الضريـح ؟
وانه احس مشلـول وأيِـدي إمبريْـده
|
لاحچيـت ولاشكيـت ودمعـي ســال
ودمعي يغسـل همـي منـي يفرهـده
|
نزل دمعي وصاح سلم علـى الحسيـن
آحسيـن بچفوفـه لسلامـي يــردده
|
دموعي تقـره زيارتـك تبعـث سـلام
ورد عليـه الصـوت جرحـك سانـده
|
هـلا بكلمـن زارنـي وبيـه عـرف
نعـم بالمگصـود يعـرف گاصــده
|
گلبي بس يمـك يحـس خيـر وآمـان
ومـن يشـم اطيـاف گبـرك تسعـده
|
روحي گبل الجسـم طافـت بالضريـح
ثگل جسمـي ونـشـف دم وريــدي
|
مـن بعيـد نـزورك ونكسـب اجـر
جيـت ازورك عـن گرب مـو بيـدي
|
ـ
|
گلبـي ويـه الآيـد ويحـب الضريـح
مـو ذهـب حبيـت احبـنْ سـاعـده
|
ماشفت فضه وذهـب شفـت الحسيـن
واگف ايحيـي الجـمـوع الحـاشـده
|
وحس بيده يهفي وانشع مـن هواهـا
نـام گلبـي وحضـن زنـده اتوسـده
|
وشم نسمة طيب نزلت علـى الجـروح
اريـاح جنـه وعلّـي هبـت وافــده
|
اشـهگ وانشـغ تفززنـي الـدمـوع
وتـرد ليـه الآيـد وگلبـي تـهـدده
|
ساعه تدمع عيني مـن غصبـن علـيّ
وساعـة تدمـع بالطـمـع متعـمـده
|
تطمع بلمسـة حنـان مـن الحسيـن
حتـى خـدي احسيـن بيـده يمسـده
|
وشفت كل خد الشرب دمـع الحُسيـن
مثـل خـد الـورد ويـلامـس نــده
|
جيتك بلهفـة غريـب ومالـي عـون
وانتـه ادرى بغربـتـي وتشـريـدي
|
مـن بعيـد نـزورك ونكسـب اجـر
جيـت ازورك عـن گرب مـو بيـدي
|
بلهفة الماضاگ فرحـه وطعـم عيـد
وانـه بـس يمـك احـس بعـيـدي
|
|